Lees de text mit atention un benuts wat duu forståe häst taum antwooren wat sich hijr forlangt:

Dai Pomerer

Dai lüür in Pomerland häwe feel slime dåg un swårhëte mitmåkt. Dai krijge, dai krankhëte, dai arbëtsloosigkët un dai hungersnood häwe dat pomerisch folk motivirt taum air lichter leewent suike in andrer stele.

Weegen dai interne konflikte un uutlänersche invasione, sin feel pomerer na Brasil kåme mit hofnung taum ain beeter leewentsbedijnung erhulen.

Dat airst pomerisch inwandren in Brasil is im 1850 jårseend passirt. In Espírito Santo, sin dai airste pomerische imigrante am 28te juni 1859 ankåme. In dem nijge land häwe dai air frisch leewent anfånge, eer kultur un eer språk bewårt.

In de tijd woo dai Twait Wildkrijg uutbråke is, sin dai dåg for dai pomerer uk swöner woore. Dai pomerisch språk un al düütsche sriwte wäire upenlig forbåre.

Åwer dai pomerer häwe aine weeg fuune taum dai muterspråk ine familg bewåre.

In aine tijd, woo dai teknologi un dat modern system hööger reert as ain muterspråk, feel junge lüür koine ni mër pomerisch fortele.

Taum dai pomerisch språk stärken, is air Pomerisch Schaulprogram gründet woore, woo dai kiner dai gelegenhët häwe taum dai pomerisch sriwt leese un srijwe lëre in dai schaule.

Lilia Jonat Stein

Wat sägt dai text oos oiwer dat pomerisch folk? Mark dai richtig antwoord an: